Бебе носорог и зебра биле пронајдени како сирачиња: Станале неразделни пријатели
Откако биле спасени како сирачиња во дивината, еден носорог и една зебра формирале многу необично пријателство. Седуммесечниот носорог Дејзи и зебрата Моџаџи завршиле во засолниште за животни во Јужна Африка. Неразделните пријатели се галат еден со друг, одат на прошетки, па дури и заедно јадат.
„Оваа мала зебра отсекогаш била тука за носорогот Дејзи. Иако и самата Моџаџи е бебе, стара нешто повеќе од осум недели, која пие млеко на секои три часа, таа внимава и се грижи за носорогот сираче“, стои во описот на објавата на светилиштето од јануари.
View this post on Instagram
Дејзи била спасена на почетокот на декември. Била стара само 12 часа. Не можела да стои, имала инфекција во папокот, била исклучително слаба и ранлива. Примила плазма и поминала неколку месеци на Одделот за интензивна нега.
View this post on Instagram
Долгорочната цел на светилиштето е да ги пушти Дејзи и Моџаџи во нивните природни екосистеми.
„Иако Дејзи на крајот ќе им се придружи на другите носорози, а Моџаџи ќе се врати во стадото зебри, нивното единствено пријателство секогаш ќе биде витален дел од нивниот пат за време на рехабилитацијата“, велат луѓето кои сега се грижат за нив.
