Актуелниот европски шампион, тимот на Баерн од Минхен, ќе се сретне со шампионот на Африка или Катар во полуфиналето на Светското клупско првенство, одлучено беше со ждрепка во Цирих.

Победникот во Лигата на шампионите го започнува завршниот турнир во полуфиналето, каде на 8 февруари ќе се сретне со подобриот во четвртфиналето во кое се среќаваат Ал Духаил (Катар) – Ал Ахли (Египет).

Претставникот на Јужна Америка ќе биде познат по финалето на Копа Либертадорес (30 јануари), во кое ќе се сретнат бразилските гиганти Палмеираш и Сантош.

Најдобриот тим од Копа Либертадорес во полуфиналето ќе игра со освојувачот на Лигата на шампионите КОНКАКАФ, мексиканскиот Тигрес или освојувачот на азиската Лига на шампиони, а тоа е Улсан од Јужна Кореја.

? The official draw for the #ClubWC 2020 is complete

? Bring on 4 February! pic.twitter.com/lYZYJuv5S4

— FIFA.com (@FIFAcom) January 19, 2021

Светското клупско првенство ќе се одржи од 4 до 11 февруари во Катар. Во истото ќе учествуваат шест, наместо седум екипи, бидејќи Окленд сити од Нов Зеланд се откажа, поради ограничувањата предизвикани од коронавирусот.

Да потсетиме, освојувачот на европската Лига на шампионите 12 пати го освои Светското клупско првенство во последните 13 изданија. Челси беше единствениот поразен од бразилскиот Коринтијанс, во декември 2012 година.