Претседателот на Демократската партија на Албанија, Љуљзим Баша, при неговиот говор на вечерашниот протест на обединетата опозиција во Тирана, рече дека ова е најголемиот протест оддржан досега.

Според него тоа е опозициски протест против злото и про-европските вредности, пренесува Балканвеб.

Баша рече дека Еди Рама и неговите провокатори направиле насилно сценарио протестите да дегенерираат во насилство, но тоа не се случило и нема да се случи.

Тој потенцираше дека опозицијата нема да биде плен на провокациите на Рама и дека убедливо се движи на патот кон уривањето на премиерот.

– Неуспешен е и проектот за оддржување избори без опозиција. Ќе го браниме Уставниот поредок, ќе ја браниме законитоста. Вистината е на наша страна. Законот и Уставот се на наша страна. Со помош на Бога, ништо не нè спречува во маршот до победата. Сигурното заминување на Рама веќе е запечатено – рече Баша на вечерашните протести.