Валверде минатото лето беше на голем „удар“ на критики после шокантната елиминација на Барса во полуфиналето на Лигата на шампионите од Ливерпул.

Многумина тогаш беа сигурни дека овој тренер ќе добие отказ, но челниците на Барселона му дадоа уште една шанса.

Но, оваа сезона баш не брилјира и многу често се шпекулира во шпанските медиуми дека ова е последна сезона на Валверде на клупата на каталонскиот клуб и дека веќе бараат негова замена.

На листата желби на каталонскиот гигант се наоѓа и поранешниот член на оваа екипа, француската легенда Тјери Анри.

Анри дебитираше како тренер на Монако каде што се задржа само неколку месеци, а моментно го води Монтреал Импакт.

Според каталонскиот „Спорт“, Французинот е желба на претседателот Жозеп Бартомеу и спортскиот директор Ерик Абидал, но останатите во клубот веруваат дека тоа е преголем ризик.