Бартоли предвидува: Ѓоковиќ ќе има најмногу грен слем титули
Марион Бартоли изјави дека српскиот тенисер Новак Ѓоковиќ ќе биде играчот со најмногу грен слем титули и дека очекува Рафаел Надал следната година да се повлече од тенисот.
Шпанецот има освоено 22 грен слем трофеи, еден повеќе од српскиот ас.
– Предвидувам дека Новак ќе биде тенисер со најмногу освоени Грен слемови. Единственото нешто што може да го спречи на тој пат е коронавирусот и фактот што не е вакциниран, односно нема да биде може да учествува на Грен слемовите, но се надевам дека тоа нема да се случи – рече Бартоли за „Стадиум астро“.
Поранешната француска тенисерка вели дека телото на Надал повеќе не може да ги издржи напорите на врвниот тенис.
– Не гледам дека Надал професионално ќе игра тенис по 2023 година. Тоа е мое мислење, ќе видиме како ќе се развива ситуацијата. Често е повреден и тешко дека неговото тело ќе може да ги издржи сите тие напори, со оглед на тоа што веќе е во доцните тениски години – вели Бартоли.
Французинката од тенисот заработи нешто повеќе од 11 милиони долари, освои осум титули во кариерата, меѓу кои и единствениот Грен слем, „Вимблдон“ во 2013 година, а најдобриот пласман на ВТА листата го постигна во 2012 година, кога беше седма тенисерка на планетата.