Барти повторно покажа зошто е фаворит за титулата на Австралија Опен
Првата тенисерка на ВТА ранг листата, Ешли Барти се пласира во четвртфиналето на Австралија Опен, откако со 6:4,6:3 ја совлада Аманда Анисимова.
Американската тенисерка која беше во серија од осум победи по ред, и во претходното коло ја исфрли сè уште актуелната шампионка Наоми Осака, не можеше да направи ништо против Барти..
Во првиот сет, Барти направи брејк во седмиот гем и со сигурен сервис дојде до водство од 1:0 во сетови.
Возбудливо беше и на стартот од вториот сет бидејќи Анисимова веднаш направи брејк и ја прекина серијата на Барти од 63 гема кои ги освои на свој сервис. Австралиската тенисерка веднаш возврати и израмни на 1:1, а потоа и со два брејка ја потврди победата и пласманот во четвртфиналето.
Во четвртфиналето, Барти ќе игра против Џесика Пегула која беше подобра од петтата носителка Марија Сакари со 7:6,6:3.
Чешката тенисерка Барбора Крејчикова во два сета со 6:2,6:2 ја победи Викторија Азаренка и си закажа четвртфинална пресметка со Медис Киз која пак со 6:3,6:1 ја победи Паула Бадоса.