Барти и Вондрушова во женското финале на Ролан Гарос – Слободен печат
ОстанатoСпорт

Барти и Вондрушова во женското финале на Ролан Гарос

Ешли Барти и Маркета Вондрушова се пласираа во финалето во женска конкуренција на Ролан Гарос.

Австралиската тенисерка Ешли Барти успеа да ја прекина победничката серија на американската тинејџерка, Аманда Анисимова. Барти во меч полн со пресврти успеа да ја совлада младата американска тенисерка за неполни два часа и тоа со 6:7,6:3,6:3. Во првиот сет, Барти поведе со 5:0 и кога се навестуваше брза победа, се разигра Анисимова, таа успеа да освои дури шест гемови во серија и на да го реши првиот сет во своја корист преку тај брејк.

Во вториот сет, Барти не дозволи кикс, веднаш направи брејк и со сигурни сервиси успеа да го освои сетот со 6:3. Во третиот сет, по серијата од три брејка, искуството на Барти пресуди да слави со 6:3 и да обезбеди пласман во финалето.
Нејзина противничка во финалето ќе биде Маркета Вондрушова која во два сета со 7:5,7:6 ја совлада Џоана Конта.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close