Барселона се подготвува зимски шопинг: На „Камп Ноу“ доаѓаат Стерлинг и Олмо?!
Додека навивачите со нетрпение го очекуваат враќањето на терените на повредените Осман Дембеле и Серхио Агуеро како и Ансу Фати конечно да биде подготвен за пеколниот ритам, управата се подготвува за зимскиот преоден рок кога ќе се обиде да донесе фудбалери кои ќе ја кренат Барселона и ќе се обидат да ја спасат сезоната.
Барселона по само осум кола се наоѓа на деветтото место на табелата во Ла Лига, додека во Лигата на шампионите има два порази од по 0:3 од Баерн Минхен и Бенфика и на сите им е јасно дека се потребни нови ѕвезди кои ќе ја вратат екипата на победничките патеки.
Згора на тоа, поради финансиските проблеми, ова лето од „Камп Ноу“ си заминаа и Лионел Меси и Антоан Гризман, по што во Барселона сега нема вистинска фудбалска супер ѕвезда.
Управата на Барселона која се обидува да се извлече од катастрофалната финансиска ситуација и со намалувањето на платите на фудбалерите, успеа да собере доволно средства за купување на еден или двајца фудбалери во зимсиот преоден рок.
Изборот падна на Дани Олмо од Лајпциг кој е дете на Барселона, како и на Рахим Стерлинг од Манчестер сити.
Лајпциг за Олмо бара 75 милиони евра, а Барселона ќе се обиде да ја намали оваа сума за 10 до 15 милиони евра, додека планот за Стерлинг кој се поретко добива шанса да игра, планот е поинаков.
Во Барселона се надеваат на добрите односи со менаџерот и директорот на Манчестер сити, Пеп Гвардиола и Чики Бегиристајн, и ќе се обидат да го донесат Стерлинг на позајмица до крајот на сезоната, а потоа и целосно да го откупат договорот на англискиот репрезентативец.