Според каталонскито весник „Спорт“, менаџерите на Лука Јовиќ и екипата на Ајнтрахт во последно време го користи интересот на шпанскиот шампион за дополнително да ја кренат цената на младиот напаѓач.

Челниците на Барселона неколку пати разговараа со фудбалерот на Ајнтрахт, а последен пак директорот Ерик Абидал во живо го гледаше Јовиќ на дуелот од Лигата на Европа кога го постигна победничкиог гол против Интер.

Сепак, „Спорт“ наведува дека Барселона не сака да учествува во „аукцијата“ и е подготвена да плати 60 милиони евра како обесштетување, и ниту евро повеќе.

Менаџерот на Јовиќ, минатата недела престојуваше во Мадрид и имаше средби со челниците на Реал Мадрид, а голем интерес за неговите услуги постои уште од ПСЖ и Баерн Минхен, по што германскиот тим одлучи наместо 60 милиони евра да бара дополнителни 20 милиони.