Барселона потврди: Де Лихт ги избра парите – Слободен печат
СпортФудбал

Барселона потврди: Де Лихт ги избра парите

Холанѓанецот во летниот преоден рок од Ајакс се пресели во италијанскиот шампион.

Шпанскиот шампион во летниот преоден рок имаше две големи желби, Антоан Гризман и Матијс де Лихт. Каталонците успеаја да го ангажираат Гризман, но обидите за купување на младиот екстра талентиран Холанѓанец се покажаа како неуспешни. На крајот Де Лихт се одлучи да потпише за италијанскиот Јувентус. од таборот на Барселона сметаа и дури сега јавно објавија дека Холаѓанецот замина во Јувентус поради парите.

– Му испративме добра понуда, но тој одлучи да замине во Јувентус бидејќи даноците во Италија му дозволуваат да има поголема нето заработка – изјави Оскар Грау, извршниот директор на Барселона.
Матијс де Лихт потпиша петгодишен договор со „старата дама“ според кој платата му изнесува осум милиони евра годишно и го очекуваат дополнителни четири милиони евра како бонуси.

Грау потврди дека Барселона се обиде да го врати на „Камп Ноу“, Бразилецот Нејмар, но ПСЖ не сакаше да слушне за продажба.

– Вложивме огромен напор поради Клубот направи се што беше во негова моќ со две понуди, една со играчи како дел од понудата и една без играчи која беше доста висока. Имав чуство дека ПСЖ не беше подготвен за продажба на Нејмар – додаде Грау.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close