Барселона остана без најголемиот талент по Меси
Новиот Чави, како што го најавуваа Чави Симонс во Барселона, повеќе не е член на шпанскиот тим бидејќи не беше задоволен од третманот во популарната академија Ла Масија.
Thank you, @FCBarcelona!
Força Barça! ?? pic.twitter.com/p2fBAV11Cm— Xavi Simons (@xavisimons) July 23, 2019
Оваа вест ја објави самиот Симонс преку својот профил на Твитер, без да открие каде ќе ја продолжи кариерата. По осум години минати во Ла Масија, Симонс, заедно со контроверзниот менаџер, Мино Рајола, одлучи кариерата да ја продолжи на друго место притоа откажувајќи се од од 100.000 евра годишни примања.
Како негов иден клуб се споменува францускиот шампион ПСЖ бидејќи Рајола веќе е забележан во Париз па медиумите неговото присуство во Франција го поврзаа со евентуалниот трансфер на Чави Симонс. „Мундо депортиво“ објави дека ПСЖ е подготвен да му даде шанса на екстра талентираниот Симонс да тренира и да игра во првиот тим.