Долгогодишниот судски спор помеѓу каталонскиот тим и бразилскиот репрезентативец конечно е завршен и тоа со заеднички договор.

Засега не се познати деталите од договорот, но Барселона објави дека двете страни потпишаа спогодба поврзана за сите претходни судски спорови. Исто така клубот објави дека спогодбата е постигната во пријателски тон.

Односите помеѓу Нејмар и Барселона се влошија во 2017 година кога Бразилецот за рекордни 222 милиони евра се пресели во ПСЖ. Каталонскиот тим не се прашуваше за трансферот бидејќи ПСЖ ја активира аоткушната клаузула , но веднаш по трансферот каталонскиот тим поднесе тужба против Нејмар поради непочитување на договорот. По одреден период следеше одговорот од Нејмар и неговиот татко кој му е и менаџер, контратужба бидејќи Бразилецот не го добил бонусот за потпис на новиот договор во висина од 43 милиони евра.

Со доаѓањето на Жоан Лапорта за претседател на Барселона, се подобрија односите со Нејмар кој летово го продолжи договорот со ПСЖ.