Во дербито на 35 коло во Ла Лига, Барселона и Атлетико Мадрид одиграа без голови и му направија услуга на третиот конкурент за титулата, Реал Мадрид.
Ремито на „Камп Ноу“ најмалку и одговара на Барселона која во последните два натпревари ќе влезе со минус два во однос на Атлетико Мадрид, но доколку Реал Мадрид слави на сите три натпревари до крајот, тогаш „кралевите“ ќе ја освојат титулата.

Првата шанса на натпреварот ја имаше Атлетико Мадрид но ударот на Луис Суарез од слободен удар беше лесен плен за Тер Штеген. Изненадувачки, во првото полувреме подобра игра прикажаа гостите кои имаа уште неколку шанси преку но голманот Тер Штеген ги одбрани ударите на Љоренте и Караско.
Во второто полувреме, Барселона ја презеде контролата на топката, додека Атлетико своите шанси ги имаше преку брзите контранапади, но ударите на Суарез и Караско беа непрецизни.
Најдобрата шанса за Барселона беше во 85 минута која по комбинацијата на Меси и Гризман, топката дојде до Алба кој центрираше, а шутот на Дембеле заврши над голот и со тоа пропадна шансата за Барселона да дојде до победа.