Ракометарите на Барселона славеа на гостувањето кај ППД Загреб со 33:37 во рамките на 11. коло од групата Б во Лигата на шампионите и го задржаа максималниот учинок.
Од друга страна, хрватскиот тим е единствен тим кој се уште нема победа во ЛШ, имаат девет порази во девет натпревари.

Каталонците до победата дојдоа без многу проблеми, ја имаа контролата врз резултатот и на средината од вториот дел направија предност од четири гола 28:32 и до крајот рутински ја одржуваа разликата. Најефикасни во редовите на Барселона беа Арино, Фабрегас и Јанц со по пет постигнати голови, додека кај Загреб Граховац постигна шест гола.

Вториот фаворит во групата Б, Веспрем исто така славеше на гости, и тоа кај Целје со 25:29. Маргуц со пет постигнати гола беше најпрецизен кај Веспрем додека македонскиот репрезентативец Дејан Манасков даде два гола.
Претходно екипата на Брест приреди мало изненадување со триумфот над Киелце од 35:30 во рамките на групата А каде Пик Сегед со 35:31 го совлада Порто за кого брани Никола Митревски.