Барселона е во проблеми, мора да продава – Слободен печат
СпортФудбал

Барселона е во проблеми, мора да продава

Каталонците на зима ќе се обидат да продадат тројца фудбалери за да ја стабилизираат финансиската состојба, пишува „Марка“.

Барселона за да не се најде на удар на УЕФА поради финансискиот фер-плеј, ќе мора во зимскиот преоден рок да продаде неколку фудбалери. Според весникот „Марка“, на трансфер листата се ставени Иван Ракитиќ, Самуел Умтити и Артуро Видал.

Хрватскиот репрезентативец сезонава го загуби местото во стартната постава на Барселона од засилувањето од Ајакс, Френки де Јонг. Ракитиќ во текот на летото се споменуваше како дел од трансферот во кој Нејмар требаше да се врати на „Камп Ноу“. Истото се однесува и за Умтити, кој минатата сезона мака мачеше со повредите, додека Видал падна во сенка на Артур и речиси и да не игра оваа сезона.

„Барселона во зимскиот преоден рок ќе се обиде да ги продаде Ракитиќ, Умтити и Видал за да ја стабилизира финансиската состојба во клубот“, пишува „Марка“.

Според весникот, каталонците во јануари нема да купуваат туку ќе се обидат да ги продадат тројцата фудбалери со што би го растеретиле буџетот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close