Како што инфомираат медиумите во Шпанија голманот на каталонскиот гигант би можел да ја продолжи кариерата во Германија.

Чуварот на мрежата од редовите на Барселона, Марк-Андре тер Штеген (28) се поврзува со трансфер во актуелниот европски шампион, Баерн Минхен.

Барса поради тешката финансиска состојба е принудена да се согласи за трансфер, а од претходно е познато дека клубот може да започне стечајна постапка доколку играчите не се согласат на намалување на платите.

Од Баерн веруваат дека токму Тер Штеген би можел да биде права замена за Мануел Нојер во баварската екипа, а вредноста на евентуалниот трансфер се очекува да биде околу 80 милиони евра.

Поради повреда и натаму го чека првиот настап сезонава во „Ла Лига“, а неговиот договор со Барса истекува на 30 јуни 2025 година.