Барса против Дортмунд го потврдува пласманот во полуфиналето на ЛШ
Денеска од 21.00 часот ќе се игра реваншот од четвртфиналето во фудбалската Лига на шампионите помеѓу Борусија Дортмунд и Барселона.
Препорачано
Во првиот натпревар Барселона славеше убедливо со 4:0 и е поблиску до пласман во следната фаза.
Патем, ова ќе биде трет пат Барселона и Борусија Дортмунд да се сретнат оваа сезона, а претходните два натпревари поминаа во корист на Каталонците. Во шест дуели во историјата, Борусија Дортмунд никогаш не ја победила Барселона, па затоа домаќинот вечерва брка чудо.
– Имам голема доверба во овој тим. Поминавме многу натпревари заедно без да загубиме и треба да бидеме горди на тоа. Не можам да се пожалам на ниту еден од моите играчи. Овој тим е неверојатен. Работевме напорно цела сезона. Играчите се подготвени и во добра форма, а мотивацијата е секогаш важна во последниот дел од сезоната кога ви треба малку повеќе – рече тренерот на Барселона, Ханси Флик.
Победникот од овој двомеч во полуфиналето ќе игра со подобриот од дуелите меѓу Баерн Минхен и Интер каде по 90 минути миланските „нераѕури“ имаат предност од 2:1.
