Бараше Барса и минатиот јануари искусен напаѓач кој би можел да биде достојна конкуренција за Луис Суарез, се спомнуваа Фалкао и Одион Ихало, но на крајот не е пронајдено адекватно решение.

Минатото лето дојде Гризман, но Барса сака уште едно засилување во офанзивата, со цел да биде конкурентна на сите позиции.

Се шпекулира дека на „Камп Ноу“ би можел да пристигне мексиканскиот репрезентативец Карлос Вела (30), судејќи според зборовите на сонародникот Џонатас Дос Сантос, кој во периодот од 2009-2014 година го носеше дресот на каталонскиот клуб.

Тој тврди дека Вела има понуда од Барселона, дури и минатиот јануари се говореше дека би можел да дојде на позајмица во редовите на „Блауграна“, но не се реализираше.

Самиот фудбалер е навистина заинтересиран неколку месеци да настапува заедно со најдобриот играч на светот, Лионел Меси, пред да се врати во Лос Анџелес.

Се чини дека Барса ќе направи вистински потег, Вела блескаше во дресот од Лос Анџелес во неодамна завршената сезона со 38 голови и 12 асистенции во 36 натпревар, а доби и „Лендон Донован“, награда за играч на годината во американската МЛС лига.