Преговарачот на Европската унија за Брегзит Мишел Барние предупреди на можните последици од тој процес за граѓаните на ЕУ, но и на Велика Британија.

Последиците би се јавиле доколку дојде до прекин на слободното движење на граѓаните помеѓу Велика Британија и ЕУ. А Барние истакна дека во преговорите со Лондон ќе ги штитат интересите на граѓаните на ЕУ.

Периодот на преговори за Брегзит помеѓу Брисел и Лондон ќе трае до крајот на оваа година. Двете страни ќе преговараат за идните меѓусебни односи во економијата, безбедноста, енергетиката и сообраќајот.

-Никој не треба да потсетува на директните последици од укинувањето на слободното движење, што е во центарот на вниманието на Брегзит, рече Барние.

Оваа изјава на Барние уследи откако претседателката на Европската комисија, Урсула фон дер Лајен рече дека по завршувањето на процесот, повеќе нема да постои слободно движење на населението.