Баркли ќе добие статуа во Филаделфија
Чарлс Баркли за Филаделфија сиксерс настапуваше од 1984 до 1992 година и имаше просек од 23 поени и 11 скокови по натпревар, што и денеска е рекорд во историјата во клубот.
Баркли во 1992 година беше разменет во Феникс санс каде успеа да дојде и до признанието за МВП на лигата и играше во големото финале каде загуби од Чикаго булс.
Потоа Баркли кој е еден од 50 најдобри кошаркари во историјата на НБА лигата, помина уште четири години во Хјустон рокетс, но најголема трага остави токму во Филаделфија.
Во „Алејата на легендите“, Чарлс Баркли ќе им е приклучи на Били Канингем, Вилт Чембрлен, Морис Чикс, Џулиус Ирвинг, Хал Грир и Боби Џонс кои се најславните кошаркари кои го носеле дресот на Филаделфија.