Барди конечно се врати на терените: Ми беше малку тешко кам-бекот, сепак еден месец бев надвор од терените

Барди го одигра второто полувреме против Севиља во рамки на 10 коло во Ла Лига/ фото: EPA-EFE/JULIO MUNOZ

Македонскиот репрезентативец Енис Барди по пауза од речиси еден месец пауза поради повреда на тетивата конечно се врати на фудбалските терени и беше дел од тимот на Леванте во натпреварот против Севиља (3:5) во рамки на 10. коло во Ла Лига. Барди влезе во игра на стартот од второто полувреме, но сепак Леванте на крајот загуби од третопласираната екипа во Ла Лига.

– Имав голема желба да се вратам, но ми беше малку тешко. Неиграњето од еден месец ги чини скапо фудбалерите, но сега тој период е минато и сум фокусиран на на следните предизвици. Сакам да сторам се што можам за тимот да победува – изјави Барди за шпанските медиуми.

Следен предизвик за Барди и Леванте е дуелот со актуелниот шампион Атлетико Мадрид.
– Секој натпревар е тежок за нас. Не чека уште еден многу тежок натпревар, и ќе треба да одиграме добро цел натпревар. Ќе видиме како ќе одиграме, но верувам дека сите ќе дадеме максимум да извадиме добар резултат – додава Барди.

 

Видео на денот