Составот од Валенсија го претрпе и третиот пораз откако денеска во четвртото коло на шпанската „Ла Лига“ загуби како домаќин од „кралскиот“ клуб.

Македонскиот репрезентативец Енис Барди го одигра целиот натпревар за Леванте кој на крајот загуби со резултат 0:2 од Реал Мадрид. Нашиот интернационалец имаше неколку шанси да ја затресе мрежата на голманот Тибо Куртоа, но не успеа да се запише во листата на стрелците.

Стрелец на првиот гол за гостите го реализираше бразилскиот интернационалец Винисиус Жуниор кој прекрасно стрелаше во мрежата на Аитор Фернандез Абарискета после изведен корнер.

Во самиот финиш од средбата (90+5`) конечниот епилог од контра напад го реализираше Французинот Карим Бензема.

За играчите на тренерот Зинедин Зидан ова е трет триумф по ред во најсилното шпанско првенство и моментно се на првото место во генералниот пласман со 10 бодови.

Се одиграа уште два меча, Осасуна со 2:0 го совлада составот на Селта Виго, а Алавес со 1:0 триумфираше над Атлетик Билбао.