БАНКОМАТ ПО ГРЕШКА НА ПОЛИЦАЕЦ МУ ИСФРЛИЛ ТУЃИ 300 ЕВРА: Без размислување и ги вратил на сограѓанка!
Полицаецот Сахрет Сајо Дервишевиќ од Црна Гора немал дилема како да постапи кога банкомат му исфрлил туѓи 300 евра – и ги вратил на сопственичката.
-Околу 12 часот дојдов до банкоматот да подигнам плата. Пред мене беше средновечна госпоѓа која се обидуваше да подигне пари. Никако не успеваше. Дури и едно момче се обиде да и помогне. Откако увиде дека парите нема да излезат се оддалечи. Му се доближив на банкоматот, ја уфрлив мојата картичка и истиот момент излегоа 300 евра. Сфатив дека не се мои, туку нејзини, изјави Дервишевиќ.
-Ја стигнав и ја прашав колку пари имала намера да подигне. Одговори 300 евра. Без размислување и ги предадов парите. Се заблагодари и праша кој сум, од каде сум и со што се занимавам. Реков дека сум полицаец, а таа застана и ми се заблагодари. И одговорив дека тоа е моја, пред се професионална, а потоа и граѓанска обврска, рече Дервишевиќ.