Бананите од пратката со кокаин распоредени по старечките домови и училишта
Конфискацијата е кривично-правна мерка која се изрекува како дополнителна, освен основната затворска казна. Во секој случај кога сега зборуваме за конфискација, тоа веќе доби политички димензии. Се говори за конфискација на пари, имот од различни полтички влади, но сетоа тоа е прилично тежок и долг процес, прилично деликатни за изведување, на оваа тема во „Утрински брифинг“ на „Слободна ТВ“ говори Фатон Асани, директор на Агенцијата за управување со одземен имот.
-Агенцијата продолжува со конфискација. Се конфискува секојдневно од страна на царина, судовите. Последниот и актуелен случај беше оној со Сеад Кочан. Конфискувани се 26 недвижнини. Во тек е конфискацијата, односно преносот на возилата. Од сите гранки кои што се во Агенцијата, откако сум јас директор, немаме само извшено продажба на недвижен имот. Се друго имаме направено. Би почнал со возилата. Возила имаме по цела Македонија – над 10.000. За разлика од 2009 до 2016, кога се продадени околу 300 возила за старо железо, од 2017 заклучно со 2019 Агенцијата има продадено 1300 возила. Значи подобри сме и во време и во бројки.
На прашањето околу камионот со Банани кој беше конфискуван заради присуство на кокаин во пратките, Асани вели дека разговарале со Управниот одбор (УО) и од страна на Обвинтелството добиле наредба за продажба или за донирање на истите банани.
-Бидејќи се работи за овошје кое лесно расипливо, УО одлучи да ги донира на државни институции, односно школите, старечките домови- изјави Фатон Асани, директор на Агенцијата за управување со одземен имот.