Фудбалерот на Бреша, Марио Балотели, времето во карантин го поминува најчесто дружејќи се со своите фанови на социјалните мрежи. Тој секојдневно во живо разговара со фановите и со  поранешните и актуелни фудбалери.

Едно од најинтригантните прашања му беше поставено од Фабио Канаваро, а се однесуваше за  евентуален трансфер во Наполи.

Балотели моменто игра во клубот во неговиот роден град, но минатото лето се поврзуваше со трансфер во Наполи и тој сега открива дека и такво сценарио не би му пречело доколку се случи во наредниот преоден рок.

– Сакав да се преселам во Наполи, сигурно е дека одлично би си поминал таму. Ќерка ми ќе биде водач на ултрасите, таа е голем навивач на Наполи – му рече Балотели на својот поранешен соиграч од репрезентацијата, Фабио Канаваро.

– На ќерка и пејам „Бреша, Бреша“, но таа и понатаму навива за Наполи. Беше пресреќна кога ја однесов на „Сан Паоло“, беше хипнотизирана. Секогаш е убаво чувството кога ќе присуствувате на тој стадион, иако според мене најубав стадион е тој во Милано – признава Балотели.

Оваа сезона која е прекината поради коронавирусот, Балотели настапи на 19 натпревари за Бреша и постигна пет голови. а репрезентацијата на Италија има 36 настапи но последниот му беше пред две години. Иако не настапува за репрезентацијата, тој го почитува селекторот Роберто Манчини.

– Имам специјален однос со него. Среќен сум кога селекторот не ме вика во репрезентацијата бидејќи чувствува дека нема да играм, туку ќе седам на клупата. Сосема е во ред да се повикуваат играчите кои највеќе заслужиле да играат. Кога ќе дојде денот и јас да заслужам да играм, ќе бидам подготвен – зборува Балотели.