БАЛКАНСКА АТЛАНТИДА: Откриен изгубен континент кој се простирал од југоисточна Европа до Иран
Научното списание „Science“ објави статија за континент кој настанал пред повеќе од 100 милиони години, а кој работно е наречен Голема Адрија (Голем Јадран).
Со тектонските движења, овој т.н. континент потонал. Наводно, се простирал од денешните Алпи па до Иран. Со едноставни зборови кажано, изгубениот континент Голема Адрија денеска е длабоко под Балканот.
Територијата се отцепила од суперконтинентот Гондвана, кој во тоа време на едно место ги „држел“ денешните Африка, Јужна Америка, Антарктикот, Австралија, индискиот потконтинент и арапскиот полуостров, наведува Б92.
Научникот Доув ван Хинсберген, шеф на одделот за палеогеографија на Универзитетот во Утрехт, за „Science“ изјавил дека денешниот Медитеран е едноставно геолошки хаос. Тектонската плоча на Голема Адрија, во текот на долгата историја, почнала да се „лизга“ и денеска е „вовлечена“ под евроазиската тектонска плоча или пак, попозната како јужна Европа.