Бајиќ по поразот од Украина: Во вториот дел ја загубивме енергијата за игра

бајиќ
Македонскиот селектор Драган Бајиќ е незадоволен од второто полувреме на дуелот во Киев/Фото: kfsm.mk

Нашата најдобра репрезентација го претрпе и вториот пораз во квалификациите за пласман на Светскиот куп 2023, иако иако бевме многу добри во првите 20 минути, во финишот кога беше најпотребно резултатски да се држиме против Украина, падна концентрацијата.

Македонскиот селектор Драган Бајиќ не беше задоволен од прикажаното, особено во второто полувреме во кое противникот стигна до преубедлива победа, прва за нив во овие квалификации.

– Честитки за Украина за победата. Морам да ги пофалам момците за првото полувреме кога е во прашање. Имавме краток период на подготовка за овој меч. Ги испочитувавме работите за кои се договоривме во поголемиот дел од мечот. Влеговме во дуелот со еден спор ритам. Не дозволивме Украина да се разигра, менувавме одбрана, имавме контрола на играта, го држевме и скокот под контрола, немавме грешки.

Но, во вториот дел снемавме енергија. Можеби напорниот пат си го направи своето. Така ја загубивме концентрацијата и се распадна сè што градевме претходно. Фокусот и концентрацијата на крајот одлучија за конечниот резултат. Шпанија и Украина беа доста тешки натпревари за нас.

Мора да одиме понатаму, има уште натпревари да се играат и во февруари се надевам дека ќе бидеме комплетни. Ни недостасуваат пет играчи, тоа е многу и ни прави проблем во подготовката на натпреварите – рече Бајиќ.

Видео на денот