Бајден за отповикувањето на Трамп: Јас не верувам дека тоа ќе се случи
Претседателот на САД, Џо Бајден изјави дека не верува дека во Сенатот ќе има доволно гласови за отповикување на неговиот претходник Доналд Трамп, пренесува Анадолија.
Бајден во интервју за Си-Ен-Ен изјавил дека за импичмент на Трамп во Сенатот треба да гласаат сите 50 сенатори од редовите на Демократската партија и уште најмалку 17 сенатори од редовите на Републиканската партија.
„Јас не верувам дека тоа ќе се случи“, рекол Бајден.
Сенатот го прими барањето за отповикување на Трамп заради нередите кои на 6 јануари се случија кога неговите поддржувачи упаднаа во зградата на Конгресот. Во нередите животот го изгубија најмалку пет лица.
Претставничкиот дом на Конгресот на 14 јануари го изгласа отповикувањето на Трамп, кој се товари за предизвикување побуни, а во продолжување на процесот ќе се изјасни и Сенатот.
Судењето на Трамп во Сенатот би требало да започне на 8 февруари, а за отповикување потребно двотретинско мнозинство во Сенатот.
Извор: Анадолија