8 C
Скопје

Бајден: САД се подготвени да го водат светот

САД се подготвени да го водат светот, изјави синоќа  новоизбраниот американски претседател Џозеф Бајден, претставувајќи го својот дипломатски и национален тим за безбедност на идната влада.

-Тоа е тим што го рефлектира фактот дека Америка е вратена, подготвена да го води светот, а не да се повлекува од него, рече Бајден од Вилмингтон, алудирајќи на пресвртот во надворешната политика, пренесуваат светските агенции.

Новоизбраниот претседател ја повтори својата одлучност да се бори против климатските промени, претставувајќи го својот иден специјален пратеник за ова прашање, Џон Кери.

-Сакам да бидам јасен. Ниту за секунда не ги потценив тешкотиите во исполнувањето на моите смели заложби за борба против климатските промени. Но, истовремено, никој, ни за секунда, не треба да ја потценува мојата одлучност да го сторам тоа, рече Бајден.

Прочитајте и...  Граѓаните не сакаат нови згради во Ѓорче, бараат да не се одобруваат ДУП

Кери ја повика меѓународната заедница да биде поамбициозна во борбата против климатските промени, што е еден од приоритетите на Бајден.

Идниот шеф на дипломатијата, Ентони Блинкен, на собир кажа дека ќе се залага за меѓународна соработка во решавањето на светските проблеми.

-Не можеме сами да ги решаваме светските проблеми, мора да работиме со другите земји, кажа дипломатот, истакнувајќи ја потребата од „соработка и партнерство со странските земји”.

Идната американска амбасадорка во Обединетите нации, Линда Томас-Гринфилд, рече дека мултилатерализмот се вратил во САД.

-Сакам да кажам дека Америка се врати, мултилатерализмот се врати и дека дипломатијата се врати, рече таа. 

Поврзани вести

Русија почна со производство на „Спутник V“ во спреј

Слободен печат

Мислел дека е НЛО: Вперил ласер во полициски хеликоптер и доби шест месеци затвор

Слободен печат

Вооружени лица киднапирале 317 ученички во Нигерија

Слободен печат

Кампања во Мексико: Сиромашните граѓани се приоритетни за вакцинација против ковид-19

Слободен печат

Филипче: Состојбата на доктор Јота е сериозна, но и стабилна во моментот

Слободен печат

Како пропадна криминалниот план на Дарко Елез и Веља Невоља да го формираат најопасниот клан во Србија

Слободен печат

Остави Коментар