Бајден: Посетата на папата на Ирак е симбол на надеж за целиот свет
Претседателот на САД, Џо Бајден, ја поздрави посетата на Папата Франциск на Ирак. Во соопштение објавено денеска, тој изјави дека Ирак е земја со мултиетничко и мултирелигиозно население, истакнувајќи дека тука егзистираат најстарите христијански општини во светот.
Истакна дека посетата на Папата Франциск, прва на Ирак, е од историско значење. Претседателот по овој повод ги искажа зборовите на папата Франциск дека „братството е посилно од братоубиството, дека надежта е посилна од смртта и дека мирот е посилен од војната”.
Според Бајден, симбол на надеж за целиот свет е тоа што римскиот понтифиј го посетил местото каде според бибилиските преданија се родил Аврам. Папата се сретна со ајатолот ал-Систани и произнесе молитва во Мосул, град кој со години страдаше од верска омраза и насилство, предизвикано од такви групи како Исламската држава.
Претседателот оддаде признание на владата и народот на Ирак за внимателната подготовка и организација на папската посета. Тој исто така изрази восхит од приврзаноста на папата кон делото на хуманизмот, зацврстување на толерантноста и заменото разбирање меѓу верските заедници.