Американскиот претседател Џо Бајден му честиташе на новоизбраниот бразилски претседател Луис Инасио Лула да Силва за неговата победа во неделата на „слободни, фер и кредибилни избори“ и рече дека со нетрпение очекува да продолжи соработката меѓу земјите, пишува Ројтерс.

Левичарот Лула го победи претседателот Жаир Болсонаро во вториот круг од изборите што означи неверојатен кам-бек за Лула и крај на најдесничарската влада во Бразил во последните децении. Лула освои 50,9 отсто од гласовите во споредба со 49,1 отсто за Болсонаро, соопшти Врховниот изборен суд, прогласувајќи го Лула, кој претходно беше претседател со два мандати, за победник.

Американскиот државен секретар Антони Блинкен преку твит им честиташе на Бразилците „за тоа што го искористија своето право на глас и ја потврдија силата на нивната демократија“.

Congratulations to the Brazilian people for exercising their right to vote and reaffirming the strength of their democracy. We look forward to continuing our strong partnership with President-Elect @LulaOficial as we build a democratic, prosperous, and equitable hemisphere.

— Secretary Antony Blinken (@SecBlinken) October 31, 2022

Соединетите Американски Држави „со нетрпение очекуваат да го продолжат нашето силно партнерство со новоизбраниот претседател Лула додека градиме демократска, просперитетна и правична хемисфера“, рече тој.