Американскиот претседател Џо Бајден по средбата со британската кралица, Елизабета Втора, изјави дека кралицата го потсетила на неговата мајка.

Претседателот Бајден по вчерашната средба со кралицата, кажа дека таа го прашувала за претседателите на Кина и Русија, Си Џинпинг и Владимир Путин, пренесува СНН.

Британската кралица ги прими Џо и неговата жена Џил во познатиот замок Виндзор.

Како помлад сенатор, Бајден бил советуван од неговата мајка, која имала ирско потекло, да не и се поклонува на кралицата,  беше напишано во мемоарот кој Бајден го објави пред неколку години. Тој на вчерашната посета ја послуша неговата мајка и не се поклони пред кралицата.

Бајден е 12тиот американски претседател кој за време на неговиот мандат имал средба со британската кралица.

Средбата на Бајден со кралицата Елизабета Втора го одбележи крајот на посетата американскиот претседател во Европа.