Бајден ќе го нагости Макрон со јастози од Мејн и американски кавијар
Америка ќе ги постави на трпеза своите врвни кулинарски специјалитети кога Џо и Џил Бајден ќе ги нагости Емануел и Брижит Макрон, претседателот и првата дама на европската нација со истенчен вкус, на приватната вечера на павилјон на Јужниот тревник во Белата куќа.
На менито се јастог на путер од Мејн, американски кавијар, говедско со тројно печени компири и сортни сирења од Орегон, Висконсин и Калифорнија. Од „златната држава“ се и вината – нефилтрирано шардоне њутон, каберне совињон од Анакота „Најтс вели“, како и пенливото „редерер естејт брут роуз“, што има и француска нишка во аромата.
За десерт се предвидени портокалова шифон торта, печени праски со сос од цитрони и сладолед „крем фреш“.
Бајден не е првиот домаќин во Белата куќа што ги дочекал француските лидери со американски вина. Доналд Трамп му сервираше на Макрон „Домен серин“ – шардоне од Орегон, и пино ноар „домен друин“ од винарија чии корени се во Бургундија во 19 век. Барак Обама го пречека Франсоа Оланд со шардоне од винаријата „Тибо-Џенисон“, формирана од двајца доселеници од Франција во Вирџинија.
Макрон во Вашингтон ќе се обиде да го убеди Бајден околу економските тактики на САД