Бајден ја избра Камала Харис за потпретседателски кандидат
Претседателскиот кандидат на Демократската партија на престојните избори во САД, Џо Бајден ја одбра сенаторката Камала Харис за свој потпретседателски кандидат, објави Њујорк Тајмс.
Оваа информација и самиот Бајден ја објави на Твитер.
I have the great honor to announce that I’ve picked @KamalaHarris — a fearless fighter for the little guy, and one of the country’s finest public servants — as my running mate.
— Joe Biden (@JoeBiden) August 11, 2020
– Имам голема чест да објавам дека ја одбрав Камала Харис, бесстрашен борец за малиот човек и една од најдобрите државни службеници во земјата, како моја помошничка во трката за претседател, напиша Бајден.
Харис ќе биде прва жена со црна боја на кожата и прва личност со индиско потекло номинирана за така висока позиција во САД од страна на некоја од владејачките партии.
Камала Харис и самата беше во трката за номинација на демократите, но се повлече после лошите резултати од одржаните дебари. Претходно беше сенатор од Калифорнија и јавен обвинител.