Бајден го поддржа договорот што им дозволува на Финска и Шведска да се приклучат на НАТО

Поддршка за договорот Турција да не ги попречува Шведска и Финска да станат членки на НАТО / Фото: EPA-EFE/Kiko Huesca

Американскиот претседател Џо Бајден го поддржа договорот што ќе им овозможи на Шведска и Финска да се приклучат на НАТО и помогна да се постигне договор зад кулисите на преговорите на нордиските земји со Турција, изјави висок американски претставник.

Турција престана да се противи на влезот на Финска и Шведска во НАТО пред годишниот самит на Алијансата во Мадрид.

Официјалниот претставник рече дека Бајден претходно во вторникот разговарал со турскиот претседател Реџеп Тајип Ердоган за НАТО на барање на двете земји.

Тој рече дека договорот ќе овозможи проширување на 30-члената алијанса и претставува „значајна промена во безбедноста”.

Турција не инсистираше нејзините барања за напредни американски воени авиони да бидат вклучени во преговорите, рече претставникот.

Бајден и Ердоган се очекува да се сретнат на маргините на самитот.

Видео на денот