Бајден го назначи поранешниот градоначалник на Њу Орлеанс да го надгледува неговиот инфраструктурен план
Американскиот претседател Џо Бајден го назначи поранешниот градоначалник на Њу Орлеанс Мич Ландру да го надгледува спроведувањето на неговиот инфраструктурен план од билион долари, соопшти Белата куќа.
Ландру, кој исто така е поранешен заменик-гувернер на Демократската партија во Луизијана, беше градоначалник на Њу Орлеанс помеѓу 2010 и 2018 година и одигра важна улога во помагањето на градот да ги надмине последиците од разорниот ураган Катрина во 2005 година.
Претставничкиот дом го одобри инфраструктурниот план претходно овој месец, а Сенатот го усвои во август. Бајден ќе го потпише планот денеска на церемонија на која ќе присуствуваат и демократите и некои републиканци кои дадоа најголем придонес за неговото усвојување.
„Благодарен сум на претседателот и чест ми е што сум задолжен за координирање на најголемата инфраструктурна инвестиција по генерации”, рече Ландру во изјавата, додавајќи: „Нашата работа ќе бара засилено партнерство во владата и со државните и локалните лидери. бизнисите и работниците да создадат добро платени работни места и да ја обноват Америка за средната класа”.
Извор: МИА