Бајден: Бруталната и неиспровоцирана војна на Русија против Украина предизвика хуманитарна катастрофа

Џо Бајден
Џо Бајден / Фото: EPA-EFE/Yuichi Yamazaki

Американскиот претседател Џо Бајден синоќа имаше воведен говор на самитот во Јапонија, на кој присуствуваа лидерите на Индија, Австралија и Јапонија, и ја истакна важноста на Алијансата во контекст на руската инвазија на Украина.

„Ова е мрачен момент во нашата заедничка историја. Бруталната и неиспровоцирана војна на Русија против Украина предизвика хуманитарна катастрофа. Невини цивили се убиваат на улиците, а милиони луѓе се принудени да ги напуштат своите домови. Тоа не е само прашање на Европа, туку и на целиот свет“, рече Бајден.

Тој предупреди дека рускиот претседател Владимир Путин во Украина се обидува да ја згасне целата култура и изјави дека руските сили ги гаѓаат украинските училишта, цркви и музеи, пренесуваат медиумите.

Соединетите Американски Држави, рече Бајден, ќе продолжат да работат со партнерите и да го предводат глобалниот одговор на руската инвазија.

Американскиот претседател повтори дека верува оти ова е момент на трансформација за целиот свет, односно прашањето дали ќе надвладеат демократии или автократии.

Видео на денот