Претседателот на Интернационалниот олимписки комитет, Томас Бах ја отфрлува можноста следната летна Олимпијада да се одржи без гледачи на трибините.

Како што е веќе познато, поради пандемијата на коронавирус беа одложени Олимписките игри за 2021 година.

Но, од друга страна и натаму е прашање каква ќе биде ситуацијата следното лето и дали воопшто ќе се одржи најголемото натпреварување во светот на спортот.

Со оглед на тоа што многу спортови продолжија зад затворени врати, Бах доби прашање дали тоа е една од опциите и за Игрите.

– Нашиот план содржи бројки мерки на претпазливост, но одржување на Игри без навивачи не е нешто што сакаме. Работиме на тоа да пронајдеме решение кое ќе го гарантира здравјето на сите учесници, а кое во исто време ќе биде одраз на олимпискиот дух – рече Бах.

Според последните истражувања, повеќе од половина жители на Токио се за ново одложување или откажување на ЛОИ. Планот е Игрите да се одржат на 23 јули 2021 година.