3 C
Скопје

Бах: Не сакаме Игрите во Токио да се одржат без публика!

ИОК веќе издвои 800 милиони долари за поддршка на организаторите и спортските федерации за дополнителните трошоци за одложување на Олимпијадата.

Претседателот на Меѓународниот олимписки комитет, Томас Бах се согласува дека 2021 година е „последната шанса” да се одржат одложените Летни Олимписки игри во Токио, потенцирајќи дека неговото одложување не може да трае вечно.

Во март ЛОИ во јапонската престолнина беа одложени до 23 јули 2021 година поради КОВИД-19, кој однесе животи на стотици илјади низ целиот свет и ги блокираше меѓународните спортови и патувања.

ИОК веќе издвои 800 милиони долари за поддршка на организаторите и спортските федерации за дополнителните трошоци за одложување на Олимпијадата.

Ја разбирам позицијата на Јапонија, затоа што 3.000 или 5000 луѓе не можат да бидат вработени во организациониот комитет засекогаш. Не можете да го менувате целиот спортски календар за сите водечки федерации секоја година. Спортистите не можат да продолжат да живеат во несигурност – рече Бах за „Би-Би-Си“.

Прочитајте и...  ВИДЕО: Продолжува резултатската криза на Џенова и Пандев во Серија А!

Реорганизирањето на Олимпијадата е „огромен ризик”, Игрите никогаш не биле откажани во историјата, освен во периодот на двете светски војни. Но, јапонските организатори беа категорични дека нема повторно да го одложат најголемиот меѓународен спортски собир.

Меѓународниот Олимписки комитет постапува според препораките од Светската здравствена организација (СЗО).

Воспоставивме принцип, а тоа е да ги организираме овие Олимписки игри во безбедно опкружување за сите учесници. Никој не знае како ќе изгледа светот за една година и два месеци од денес, затоа мора да се потпреме на експертите – додаде Бах.

Бах одби да коментира дали откривањето на вакцината ќе биде неопходно за Игрите, но не сака тие да се одвиваат без публика.

Прочитајте и...  Јоаким Лев останува селектор на Германија

Едноставно, не го сакаме тоа. Олимпискиот дух е за обединување на навивачите и тоа е она што ги прави Игрите толку уникатни – што се на Олимпискиот стадион, сите навивачи од целиот свет се заедно. Би сакал малку повеќе време да се консултирам со спортистите, со СЗО, со јапонските партнери – се зборовите на претседателот на ИОК.

Поврзани вести

ВИДЕО: Цел свет му се смее на рускиот голман Ломајев!

Слободен печат

Прв одложен меч во Премиер лигата поради коронавирусот!

Слободен печат

Пандев се бори на теренот, а негови соиграчи при негатива си гледаат во телефоните!

Слободен печат

Тенисер суспендиран на осум години за местење натпревари!

Слободен печат

Чудни пораки на ќерката на Марадона и докторот: Татко ми повраќаше и одбива лекари! Тој е добро и бара приватност

Слободен печат

Време е за прва победа на Е. Пелистер во Лигата на Европа

Слободен печат

Остави Коментар