Раководството на „Кралскиот клуб“ сè уште не сака да влезе во официјални преговори со управата на ПСЖ затоа што не сака да ги расипе меѓусебните односи..

Баерн Минхен наводно се откажал од ангажирање на Килијан Мбапе кој сѐ уште не се согласил да го продолжи договорот со парижаните, а целата ситуација внимателно ја следи Реал Мадрид.

Тимот од „Сантјаго Бернабеу“ во минатото имаше преговори за купување на некои врвни играчи од редовите на францускиот гигант како Нејмар, Кавани, Единсон Кавани, Адриен Рабио, но без реализација на трансфер.

Mbappe 'remains keen' on Real Madrid with PSG superstar out of contract in 2022 https://t.co/fls4hEQ3Az

— Sun Sport (@SunSport) December 17, 2020

Париските „светци“ се надеваат дека ќе ја продолжат соработката со Мбапе, но тој веќе некое време одбива да потпише нов договор, а сегашниот му истекува во 2022 година.

Доколку остане таква ситуацијата, тренерот на шпанската екипа Зинедин Зидан планира да започне разговори во јуни 2021 година кога управата од „Паркот на принцовите“ ќе мора да ја намали цената на играчот, во споредба со сегашната, за да може да заработи барем нешто од можниот трансфер.

Не треба да има сомнеж во тактиката на претседателот на Реал, Флорентино Перез кој толку многу пати покажа дека знае како да купи квалитетен играч.