Кошаркарите на Црвена звезда во плеј-ин натпреварот загубија од Баерн Минхен по продолжението со резултат 97:93, со што ја завршија сезоната во Евролигата.

Натпреварот беше решен поради големиот број промашувања на Црвена звезда од линијата за слободни фрлања. Само во продолженијата, тимот на Јанис Сферопулос промаши четири од пет слободни фрлања.

Баварците на крајот го добија мечот и за пласман во плеј-офот на елитното европско клупско натпреварување ќе играат против Реал Мадрид кој загуби дома од Париз (73:81).

Букер во редовите на германскиот претставник беше најефикасен со 21 поен, Едвардс постигна 17.

На спротивната страна за српската екипа, Петрушев, на својот 25-ти роденден, беше најистакнат со 30 поени, пет скокови и четири асистенции.