Еден интересен факт пред вечерашното финале во Лигата на шампионите помеѓу Баерн Минхен и ПСЖ на стадионот „Да Луж“ во Лисабон (21.00 часот).

Последен пат Баерн ја освои титулата во ова натпреварување во 2013 година и тоа против својот сегашен играч и еден од најдобрите светски напаѓачи.

Роберт Левандовски тогаш ги бранеше боите на Борусија Дортмунд во чии редови исто така беше вистинска „гол-машина“ за период од четири години со освојување на две бундеслигашки титули, по еден трофеј во националниот Куп и Суперкуп.

Во финалето на „Вембли“ стадионот во Лондон (25 мај 2013 година) Полјакот не се запиша во листата на стрелците, баварскиот клуб стрелаше преку Манџукиќ (60`) и Робен (89`), а за „милионерите“ во 68 минута од пенал постигнаа гол благодарение на Гундоган.

Левандовски во јануари 2014 год. беше промовиран како нов член на Баерн и оттогаш со клубот доминира во Германија. Денеска шанса за клубот од Минхен (после седум години) повторно да ја „покори“ Европа, а за полскиот напаѓач нов обид за првпат во кариерата да освои титула во ЛШ.