Во првото полувреме немаше голови, најблиску до гол беше Дортмунд, поточно Пако Алкасер, Нојер излета многу длабоко, но за негова среќа топката помина покрај стативата.

„Милионерите“ тргнаа уште поофанзивно во вториот дел и тоа се исплатеше веќе во 48 минута од средбата.

Одлично помина Џејдон Санчо по десната страна, убаво му асистираше на Алкасер кој овојпат не згреши и беше прецизен од околу 16 метри за водство.

Конечните 2:0 ги постави токму асистентот Санчо во 69 минута кој ја искористи својата брзина, направи соло акција и рутински го матираше Мануел Нојер.

Der ? bleibt in Dortmund… pic.twitter.com/NO9xsNAavG

— Borussia Dortmund (@BVB) August 3, 2019

За Борусија ова е шести трофеј во германскиот Суперкуп, прв од 2014 година, само еден помалку од баварскиот гигант на листата освојувачи на ова натпреварување.