Тренерот на Баерн, Ханси Флик, одлучи да му даде одмор на својот најдобар напаѓач Роберт Левандовски, но неговото отсуство не се почувствува против Келн. Баварците двата гола ги постигна ги постигнаа уште во првото полувреме, првиот гол беше дело на Томас Милер кој во 13. минута го реализираше пеналот кој беше досуден по играњето со рака на дефанзивецот на Келн, Волф.

Во самиот финиш од првиот дел, Серж Гнабри по одлична соло акција зголеми на 2:0 по што рутински го одработи второто полувреме. Домашниот тим во финишот, во 82. минута преку Доминик Дрекслер успеа да намали на 1:2 но немаше сили да дојде до израмнување. Со победата Баерн се искачи на првото место на табелата со 15. бода, додека Келн има само два бода за 16. позиција.

Сигурен настап на гостински терен имаше и Борусија Дортмунд која со 0:2 ја совлада Арминија Билефелд. Заслугите за победата одат на сметка на дефанзивецот Матс Хумелс кој ги постигна двата гола, првиот во 53. минута, а вториот во 71. минута.

Аугсбург со 3:1 го совлада Келн додека Ајнтрахт и Вердер ги поделија бодовите играјќи 1:1.