Баерн Минхен го промовираше Кутињо (ФОТО)

fcbayern.com

Информациите велат дека Барса од оваа позајмица профитирала 8.500.000 милиони евра, а наредното лето Германците ќе имаат опција да го откупат Бразилецот за сума од 120.000.000 милиони евра.

Доколку ја искористат таа опција, Кутињо би бил убедливо најскапо платениот фудбалер во историјата на германскиот шампион и комплетната Бундес лига. Тој рекорд досега го има идниот соиграч Лукас Ернандез, кој ова лето дојде за 80.000.000 евра од Атлетико Мадрид.

– За мене овој потег значи нов предизвик во нова земја со еден од најдобрите клубови во Европа. Едвај чекам да бидам на теренот. Со Баерн имам големи амбиции и убеден сум дека можеме заеднички да ги оствариме целите – рече Кутињо.

Баерн направи два големи чекори кон решавање на проблемот со заминувањето на легендарниот тандем Франк Рибери-Арјен Робен. Прашање е само како Нико Ковач ќе ги распореди Кутињо и Иван Перишиќ, кој дојде нешто порано од милански Интер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот