Баерн Минхен „ги украде“ младите ѕвезди на Ајакс пред конкуренцијата
Актуелниот германски шампион Баерн Минхен договори две засилувања од Ајакс за летниот преоден рок, тврди новинарот Алфредо Педула.
Во редовите на холандскиот шампион во Баерн ќе пристигнат едни од најбараните играчи на стариот континент, Рајан Граненберх и Нусаир Мазрауи.
Конкуренција за германскиот тим за Гравенберх беше Јувентус, но Баерн се согласи да плати повеќе, 28 милиони евра за 19-годишниот фудбалер. Гравенберх во Баерн ќе има годишна плата од 4.3 милиони евра.
#Gravenberch, seguito a lungo dalla #Juve, in chiusura con il #Bayern per 28 milioni all’#Ajax, manca qualche bonus tra i club e poi ✍🏻. Ingaggio di 4,3 a stagione più bonus. #Mazraoui sempre #Bayern a zero: ingaggio di 4 milioni più bonus a stagione
— Alfredo Pedullà (@AlfredoPedulla) April 7, 2022
Во трката за Мазрауи беа и ПСЖ, неколку премиерлигаши и Барселона за која сите сметаа дека има најмногу шанси, но Баерн ја победи конкуренцијата така што со фудбалерот лично разговараа претседателот Оливер Кан и тренерот Јулијан Нагелсман.
Мазрауи на „Алијанц“ Арената во Минхен доаѓа како слободен играч бидејќи договорот со Ајакс ќе му истече на крајот од сезоната, а во Баерн го чека плата од четири милиони евра плус бонуси.