Баерн ја најде замената за Ковач, но тој доаѓа на крајот од сезоната – Слободен печат
СпортФудбал

Баерн ја најде замената за Ковач, но тој доаѓа на крајот од сезоната

Германскиот тим го отпушти Хрватот по дебаклот од 5:1 од Ајнтрахт.

Баерн Минхен вчера и официјално го отпушти тренерот Нико Ковач поради лошите резултати во досегашниот дел од сезоната. Иако Ковач уште од стартот на сезоната беше на удар на медиумите поради слабите игри, чашката се прели по дебаклот во Франкфурт каде Ајнтрахт славеше со 5:1.

Медиумите веднаш почнаа со шпекулациите околу наследникот на Ковач, и засега фаворити се Жозе Мурињо кој цела година е без работа и поранешниот тренер на Јувентус, Масимилијано Алегри кој е фаворит на поголем дел од германската јавност.

Сепак, денеска германскиот „Билд“ кој ретко греши кога се во прашање информациите поврзани со Баерн, тврди дека челниците на германскиот шампион го пикираа тренерот на Ајакс, Ерик тен Хаг. И самиот Тен Хаг е заинтересиран да седне на клупата на Баерн, но тоа не сака да го направи во текот на сезоната, туку ќе почека да завршат првенствата и во Германија и во Холандија.

На првиот разговор кој го имал со претседателот Карл Хајнц Румениге, младиот холандски стратег порачал дека ја прифаќа понудата и сака да започне со работа идното лето, но сè уште не е познато дали ова му одговара на баварскиот тим.

Ерик тен Хаг има работено во Баерн Минхен, тој беше тренер на втората екипа на Баерн две сезони кога првиот тим го предводеше Пеп Гвардиола. Минатата сезона Ајакс предводен од Тен Хаг ја освои двојната круна во холандскиот шампионат додека во Лигата на шампионите секунди го делеа од пласман во финалето.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close