Баерн ја изненади Барселона во плеј-офот во Евролигата
Кошаркарите на Баерн Минхен приредија изненадување во вториот натпревар од плеј-оф серијата со Барселона и славеа на гости со 75:90 со што израмнија на 1:1 во победи.
Барселона само во еден момент имаше водство (16:14), а остатокот од натпреварот баварскиот тим беше во водство и тоа најголем дел беше двоцифрено.
Дешон Томас со 25 поени и 7 скока беше најдобар во редовите на Баерн Минхен, а се истакна и Андреас Обст со 15 поени. Кај Барселона по 16 поени дадоа Николас Лапровитола и Никола Миротиќ.
Олимпија Милано не дозволи актуелниот европски шампион Анадолу Ефес да слави и на вториот натпревар во Италија и славеше со 73:66 со што израмни на 1:1 во серијата. Шевон Шилдс во финишот беше нерешлива енигма за играчите на Анадолу Ефес.
Шилдс постона до 21 поен, а Серхио Родригес даде 17 поени за Олимпија Милано, додека најдобри во турскиот тим беа Шејн Ларкин со 19 поени и Василије Мициќ со 18 поени.