Баерн има неверојатна генерација, со Сане и Хаверц ќе владее во Европа
Поранешниот претседател на Баерн Минхен, Ули Хенес, верува во младите фудбалери на германскиот шампион.
Хенес истакна дека Баерн е на вистински пат да направи неверојатно добра генерација која многу брзо ќе се дојде до трофејот во Лигата на шампионите.
– Баерн е на вистинскиот пат, имаме фантастична генерација. Кога ќе помислам дека Баерн успеа да го продолжи договорот со Ноер, во тимот се Кимих, Зуле, Левандовски, а се надевам дека наскоро нови договори ќе потпишат и Алаба и Алкантара. Со Кингсли Коман, Серж Гнабри и се надевам Лерој Сане ќе имаме млад и талентиран тим – вели Хенес.
Поранешниот претседател очекува во летниот преоден рок, управата да успее да го донесе Сане на „Алијанц Арена“, а се надева дека ќе дојде и до потписот со уште еден германски дијамант, Каи Хаверц од Баер Леверкузен.
– Можам да замислам дека Сане ќе пристигне во Баерн. Ако работите одат како што треба тоа ќе биде нова ера на Баерн Минхен. Секако дека би сакал да го имаме и Каи Хаверц во тимот, но во овие моменти не можеме да ја знаеме екомонската состојба во фудбалот поради што не е пожелно да се ризикува со реализација на големи трансфери – додава Хенес.