Баерн гази во Бундеслигата, Левандовски руши рекорди (ВИДЕО)
Актуелниот шампион во Бундеслигата, Баерн Минхен, направи уште еден голем чекор кон одбрана на трофејот со убедливиот триумф од 5:0 над Фортуна Дизелдорф.
Баварците на пет кола до крајот на сезоната имаат 10 бода повеќе во однос на второпласираната Борусија Дортмунд која утре игра против Падерборн.
Натпреварот го одбележа еден од најдобрите напаѓачи на светот, Роберт Левандовски кој го постигна третиот гол за својата екипа и успеа да дојде до неверојатно постигнување. Левандовски на сите екипи во Бундеслигата им даде барем по еден гол во една сезона.
Гол серијата на баварците ја отвори Јоргенсен во 15. минута со автогол, а потоа следеа головите на Павар, двата гола на Левандовски, а последниот гол беше дело на Алфонсо Дејвис.